Rap-artistja e njohur shqiptare, Tayna ka sot ditëlindjen! Ajo mbush 26 vjeç.
Tayna, emri i vërtetë i së cilës është Doruntina Shala, ka lindur më 14 dhjetor të vitit 1996 në Prizren.
Ndërkohë, së fundmi, reperja ka publikuar një postim në rrjete sociale, ku falënderon të gjithë fansat e saj.
“Faleminderit të gjithë fansave të mi që më dhurojnë dashuri çdo ditë të jetës time”, shkroi si fillim Tayna.
“E vlerësoj shumë. Ju jeni dhurata më e mirë për mua”, vijoi reperja.
Reperja e famshme, Tayna mori vëmendje të madhe që në fillim me këngën “Columbiana”, duke marrë miliona klikime në Youtube.
Më herët, ajo ka publikuar një video në Instagram, ku tregon pak nga përditshmëria e saj mjaft e zënë me projekte. Në video, ajo tregon se si ka zhvilluar tre koncerte së fundmi dhe ka fjetur shumë pak orë gjumë.
“Tiranë-Jalë-Zurich me vetëm disa orë gjumë dhe pa kohë për të ngrënë. Mirë se vini në përditshmërinë time”, shkroi ajo krah videos.
Kujtojmë se Tayna sjell herë pas here këngë që menjëherë shndërrohen në hit. Së fundmi, ajo ka sjellë disa projekte muzikore si “Teket”, “Valle”, “Pijetore” etj.
Së fundmi, ajo ka publikuar edhe një ‘freestyle’ ku nuk i ka kursyer disa ‘thumbe’ për disa artistë.
