Maratona e Tiranës
9 tetor, ora 9:00
Muzeu Historik Kombëtar, “Bulevardi Zogu i 1”
Bashkia Tiranë, në bashkëpunim me Ministrinë e Arsimit dhe Sportit dhe Federatën e Atletikës, organizon “Maratonën e Tiranës” në datën 09 Tetor 2016.
Pjesëmarrësit në maratonë do të jenë nxënës të gjimnazeve të Tiranës, njerëz me aftësi ndryshe si dhe çdo qytetar shqiptar dhe i huaj që dëshiron të bashkohet. Maratona do të zhvillohet në 4 kategori, të cilat janë:
1 – Hand Bike (Njerëz me aftësi ndryshe)- distanca 2 km;
2 – Run – 10 km;
3 – Half marathon – 21 km;
4 – Fun Run.
Maratona është një mundësi e mirë argëtimi dhe inkurajimi për të jetuar shëndetshëm përmes aktivitetit sportiv.
Regjistrohu FALAS në www.maratonaetiranes.al dhe shihemi në datën 9 Tetor, ora 09:00 përballë Muzeut Historik Kombëtar.
Teatër- Kthimi në Shtëpi
8 tetor-13 nëntor, ora 19:00, Tiranë
“Kthimi në shtëpi” është një nga tekstet që ka ngjallur më shumë kontradita në teatrin e pas viteve 1900 : interpretimet e kritikës mbi të nuk kanë reshtur së vërshuari deri në harxhim. Natyralist, por simbolik. Realist, por absurd. Pesë meshkuj, të privuar nga prezenca femërore, pas vdekjes së nënës së familjes, garojnë për hapësirën : atë fizike të shtëpisë dhe atë emotive dhe psikologjike të ndjenjave. Në mes të këtyre pesë meshkujve kthehet, pas shumë vitesh, e hyn një femër, bashkëshortja e djalit të madh. Dhe rezultati është i paparashikueshëm
Femra dhe mashkulli: kaq pranë, kaq larg; kaq të nevojshëm për njëri-tjetrin, kaq të ndryshëm!
Event ndërgjegjësues
Buddy Walk Tirana 2016
E Shtunë, 8 tetor
Në kuadër të muajit tetor, muajit të ndërgjegjësimit për Sindromën Down, Fondacioni Down Syndrome Albania organizon edhe këtë vit Buddy Walk Tirana.
Ecja- Nisja nga Materniteti “Mbretëresha Geraldinë” dhe mbërritja tek “Tirana Sport Zone”, Sheshi “Nënë Tereza”, duke pasuar me një program argëtues.
