Futbollisti i njohur, Cristiano Ronaldo është rikthyer sërish në qendër të vëmendjes. Së fundmi, ai ka thyer një tjetër rekord.
Tashmë ai konsiderohet si njeriu i parë që arrin 500 milionë ndjekës në “Instagram”.
E gjithë vëmendja u rikthye ndaj tij pas intervistës që dha së fundmi për “Manchester United” dhe për foton me Leo Messi-n për “Louis Vuitton”.
Ndërkohë, në vend të dytë ndodhet Lionel Messi me 376 milionë ndjekës.
Më pas Kylie Jenner, Selena Gomez dhe The Rock.
Cristiano Ronaldo ka dhënë një intervistë së fundmi me Piers Morgan ku ka thënë se ndihet i tradhtuar nga Manchester United.
Ai madje sulmoi ish-shokun e skuadrës Wayne Rooney, dhe vuri në pikëpyetje evolucionin e klubit.
Me një sistem me energji të lartë që përdoret nga trajneri i ri që shpesh kërkon presion në sulm, Ronaldo është lënë pas për lojtarë më të rinj dhe më energjikë.
Ronaldo tha se ai ndihet i tradhtuar.
“Unë nuk kam respekt për të, sepse ai nuk tregon respekt për mua,” tha Ronaldo për Ten Hag në TalkTV.
“Që kur u largua Alex Ferguson, unë nuk pashë asnjë evolucion në klub. Progresi ishte zero.”
Rooney, i cili fitoi gjithçka me Ronaldon më shumë se një dekadë më parë, tha më herët se nëse ai nuk e ul kokën, nuk punon dhe nuk është gati, ata do të kenë “një shpërqendrim i padëshiruar”.
