Legjendat Cristiano Ronaldo dhe Lionel Messi kanë krijuar atë që pa frikë mund ta quajmë një foto historike.
Yjet e futbollit u bënë bashkë në këtë foto, ku shihen duke luajtur shah, për markën e njohur “Louis Vuitton”. Fotoja është ndarë në llogaritë përkatëse në Instagram, të Ronaldos dhe Messit.
“Fotoja më e bukur në Instagram”, “Fotoja më e bukur në histori” apo thjesht “Historike”, janë disa nga komentet e fansave të Ronaldos dhe Messit, të cilët janë të bindur se kjo do të jetë fotoja më e pëlqyer ndonjëherë në rrjetin social.
Dy legjendat e futbollit janë përfolur gjatë gjithë karrierës së tyre për rivalitetin në fushë, teksa shpesh janë përballur në ndeshje me skuadrat përkatëse.
Dy sulmuesit tashmë janë në Katar, ku nesër nis Kupa e Botës. Messi dhe Ronaldo, të cilët luajnë përkatësisht për Argjentinën dhe Portugalinë, duket se do të jenë për herë të fundit në një kampionat botëror.
Kujtojmë se intervista “bombë” e Ronaldos, e publikuar së fundmi nxorri në shesh shumë të vërteta, të paktën sipas portugezit, që u shpreh se shumë persona kërkuan ta largonin nga klubi dhe jo vetëm trajneri, për të cilin theksoi se nuk ka respekt. Fjalë të rënda për një klub si United që mesa duket tashmë ka marrë edhe vendimin përfundimtar mbi sulmuesin portugez.
Veprimi i fundit nuk lë shumë për të interpretuar teksa nga Old Trafford është larguar muralja në të cilën ishte fotoja e CR7. (VIDEO KËTU)
Tashmë, Ronaldo është në merkato dhe në janar pritet të ndryshojë ambient me Bayern Munich që është përfolur si një destinacion i mundshëm, por në lojë janë edhe të tjera klube veçanërisht nga Premier League, ku nuk mungon interesi i Chelsea apo Arsenal në prapaskenë.
