Disa ditë më parë Eni Koçi përjetoi ndjesinë më të bukur në botë, atë të të bëri nënë për herë të parë. Këngëtarja dhe Genc Prelvukaj u bënë prindër të një vajze të cilën e quajtën, Adea.
Lajmin e ëmbël e bënë me dije vetë çifti në rrjetet e tyre sociale.
Pas fotos së parë ku dukeshin duart e tyre së bashku me atë të të sapolindurës, së fundmi janë bërë publike disa imazhe të reja të Gencit, Enit dhe Adeas së vogël.
Fotot janë realizuar gjatë momentit që Eni dhe vajza e saj kanë lënë spitalin. Adea e vogël duket në një kolltuk, të cilin e mban këngëtari në dorë.
“Mirë se erdhe Adea Prelvukaj
Jam e bekuar që sot mora emrin më të shenjtë, emrin Nënë. Adea ime, të dua më shumë se çdo gjë në botë.
Faleminderit që ma zbukurove jeten,”-shkroi Eni më herët në postimin e saj në Instagram.
View this post on Instagram
Çifti vetëm para pak kohësh postuan në Instagram disa foto ku treguan se ishin lidhur në martesë që në vitin 2019 duke habitur të gjithë.
Eni është shprehur gjithmonë për takimin e parë me Gencin dhe mënyrën epike se si nisi çdo gjë.
Në një intervistë Eni ka treguar se me Gencin është njohur gjatë një turneu në Amerikë dhe se ai ishte shumë mendjemadh, komenti i Gretës për këtë rast ka qenë edhe më epik se vetë situata.
“Me Gencin jemi njohur në një turne në Amerikë. Të them të drejtën në fillim më është dukur shumë mendjemadh dhe i thashë Gretës ‘obobo si do e shtyjmë në turne, ky as muhabet s’do na bëj’ dhe përgjigja e Gretës ishte: ‘Eha sa e vret mendjen, sikur do bëjmë krushqi me të’. Përfundimin e dini besoj”, ka treguar Eni.
