Kourtney Kradashian është shprehur së fundmi se si një nga producentet ekzekutive të serialit “Kardashians”, ajo dha shënime për skenat e Scott, por ato “nuk u morën për bazë”.
Konkretisht, Kourtney Kardashian nuk ishte e kënaqur me mënyrën se si fejesa e saj me Travis Barker u pasqyrua në ‘The Kardashians’. Në podcastin ‘Not Skinny But Not Fat’ të Dear Media, ylli i realitetit zbuloi se ishte e mërzitur që reagimi i ish-t të saj Scott Disick ishte fokusi i produksionit në serialin Hulu.
Megjithëse tha se nuk u ofendua për përfshirjen e Scott në fillim, Kourtney shtoi se mendon se kjo ndodh sepse ishte mësuar që ai të ishte gjithmonë pjesë e historisë së saj.
“Fillimisht nuk pata problem me të kur e pashë për herë të parë, sepse mendoj se jemi mësuar me mënyrën se si i kemi bërë gjërat për kaq shumë kohë dhe ka qenë, e dini… gjëra të tilla do të kishin qenë përfshirë. Unë mendoj se thjesht më shqetësoi sepse ndjeva se kjo ishte përralla ime. Dhe mendoja, pse nuk mund të tregojmë fundin e lumtur? Pse duhet të fokusohemi në këtë? E kuptoj që është TV, dhe blah, blah, bla, por për mua, nuk ishte. Unë mendoja se nuk do t’ia bënit këtë askujt tjetër”- tha ajo.
Që nga transmetimi i sezonit të parë, Kourtney thotë se ajo “e ka bërë patjetër të qartë se kjo nuk është për mua”.
Ndërsa ajo dhe Travis po shijojnë jetën e tyre si të porsamartuar së bashku, ajo planifikon ta mbajë fokusin në historinë e tyre të dashurisë.
“Unë nuk do të jem pjesë e kësaj. Ndjehem sikur jam këtu duke jetuar jetën time dhe nuk jam ulur këtu duke folur për dikë tjetër. Kështu që unë kërkoj vetëm të njëjtin respekt”- tha Kourtney.
