Ditën e djeshme, lajmi që bëri bujë kudo në rrjet ishte ndarja e çiftit më të përfolur të momentit, Kim Kardashian dhe Pete Davidson.
Diferenca e moshës dhe lidhja në distancë i detyruan ata t’i japin fund me njëri-tjetrin. Pete është momentalisht shumë i fokusuar në karrierën e tij ndërsa Kim është e dhënë pas familjes.
Ndaj përrallës së bukur 9-mujore i erdhi fundi.
Kush nuk dëshiron të humbë kohë fare dhe të hidhet direkt në aksion? Kanye West, babai i katër fëmijëve të Kim Kardashian.
Burime pranë reperit kanë treguar për “The Sun” se ai është gati të rifitojë partneren e tij dhe të anulojë divorcin.
Kanye është shumë i bindur se do ta rikthejë “gruan e ëndrrave të tij” dhe familja e tyre do të bashkohet sërish.
Ai i kishte thënë që prej fillimit ish-partneres Kim, se Pete Davidson nuk ishte për të. Reperi e kishte të vështirë ta pranonte faktin se aktori 28-vjeçar po dilte me ish-gruan e tij.
Madje ata patën edhe disa përplasje që gjithashtu u bënë publike në rrjet. Mes tyre, një mesazh ku Pete i tregonte reperit se ishte në shtrat me gruan e tij.
Për muaj me radhë, Kanye as nuk lejoi që Pete të takonte fëmijët e tij.
