“Alpha Show” do të jetë koncerti madhështor i Noizy-t! Shumë artistë shqiptarë e të huaj do të performojnë në skenën gjigante.
Por a do të jetë Stresi i ftuar?
I ftuar në emisionin “Ditë pas Dite” në RTSH, Noizy ka dhënë disa detaje lidhur me koncertin e tij.
Marrëdhënia e tij me reperin Stresi është rregulluar tashmë dhe Noizy bëri me dije se edhe Stresi mund të jetë i pranishëm në koncert.
Pjesë nga biseda:
Moderatorja: Stresin pse nuk e ke ftuar? Se ju edhe jeni pajtuar
Noizy: Kush tha
Moderatorja: E ke ftuar?
Noizy: Nuk e di të shohim, mund të jetë një surprizë
Pas intervistës së Noizy-t, ka ardhur edhe përgjigja nga ana e Stresit. Ai ka publikuar në story lajmin dhe ka bërë një reagim. “Sa do doja të isha”, shkruante reperi.
E vërteta është mësuar sot. Stresi do të performojë në koncertin e Noizy-t dhe këtë e ka konfirmuar vetë faqja zyrtare e “Alpha Show” në Instagram.
Kujtojmë që tashmë dy reperët e njohur dhe mjaft të suksesshëm, Stresi dhe Noizy gëzojnë marrëdhënie të mirë dhe respekt për njëri tjetrin. Madje, shpeshherë ata shpërndajnë këngët e njëri tjetrit në rrjete sociale në formë mbështetjeje.
