Semi Jaupaj ka marrë një vëmendje të madhe që pas daljes nga “Big Brother VIP Albania”! Mirëpo, së fundmi fansat e këngëtares u shfaqën të shqetësuar pas një postimi që Semi bëri në rrjetin social Instagram.
“Zemërthyer” , shkroi ajo në Instastory por nuk dha asnjë shpjegim më tutje.
Shumë menduan se statusi i saj kishte të bënte me tragjedinë që ndodhi në Himarë, ku një vogëlushe 7-vjeçare humbi jetën në mënyrë tragjike pasi u godit nga një skaf.
Mirëpo, së fundmi Semi ka reaguar sërish!
Ajo ka publikuar një instastory, ku falënderon të gjithë ndjekësit e saj që pyetën nëse Semi ishte mirë.
Ajo bëri me dije se ishte zemërthyer për vogëlushen që ndërroi jetë dhe ende është e hidhëruar nga ngjarja.
Më tej, ajo lutet që Zoti të ndihmojë familjen e saj.
Së fundmi, ajo dha dhe një mesazh për të gjithë ku shkruante: “Qëndroni të sigurt”!
“Faleminderit të gjithë ju që më pyetët nëse isha mirë. Nuk ka asgjë të keqe që po ndodh me mua, jam në një vend shumë të mirë të jetës time tani. Isha zemërthyer për engjëllin e vogël që ndërroi jetë, dhe jam akoma. Shpresoj që Zoti ta ndihmojë familjen e saj ta kalojnë këtë. Qëndroni të sigurt të gjithë”, ka shkruar Semi.
