Këngëtari më në zë i momentit, Yll Limani po korr tashmë frytet e suksesit. E themi pa frikë se bashkëpunimet e tij të fundit janë nga më të dëgjuarat e verës dhe më të pëlqyerat gjithashtu.
Ylli nuk vjen vetëm me super bashkëpunime por ai është tejet aktiv edhe në rrjete sociale, ku herë pas here publikon edhe video funny.
Po si duket videoja që ka postuar këtë herë nuk është dhe aq funny.
Në njërin prej koncerteve të tij, teksa Ylli ka qenë duke performuar në skenë e kanë “pushtuar” flakët. Siç duket dhe në video Ylli ka qenë shumë afër pasi ka tentuar të afrohej tek publiku.
Edhe pse duket se është trembur pak, Ylli nuk ka pësuar djegie dhe e ka marrë situatën me shumë sportivitet duke shkruar krahas videos së tij në InstaStory, “Shpëtuam”.
Më herët, Ylli në një intervistë, ka folur për jetën e tij personale dhe profesionale, por duke u ndalur dhe te pasiguritë e tij.
“Kam pasiguri. Kam pasiguri si dukem, kam pasur pasiguri duke u rritur.‘Body insecurities’, jo t’i kem krahët e gjerë, të kem ‘six pack’ (muskuj barku), të shkoj në palestër. Kur atë pasiguri e shndërron në motivacion për të qenë më i shëndetshëm, je më i shëndetshëm edhe mendërisht”, ka rrëfyer Ylli.
