Disa çifte të ekranit do të dëshironim, që të ishin edhe në jetën reale! Nga Tom Hanks-Meg Ryan e deri te Jennifer Lawrence dhe Bradley Cooper, disa nga çiftet më të mirë të ekranit të madh që janë rikthyer së bashku, për filma të rinj. Këto janë tetë çiftet më të pavdekshëm dhe të suksesshëm të kinemasë:
1. Tom Hanks dhe Meg Ryan
Në vitin 1990, dashamirësit e filmave panë për herë të parë çiftin Tom Hanks dhe Meg Ryan në filmin “Joe Versus the Volcano”. Çifti i famshëm kinematografik interpretuan bashkë edhe në “Sleepless in Seattle” (1993) dhe “You’ve Got Mail” (1998). Hanks dhe Ryan janë miq shumë të mirë dhe janë bashkuar në vitin 2015 edhe për filmin “Ithaca”.
2. Leonardo DiCaprio dhe Kate Winslet
Të gjithë e mbajnë mend Rozën dhe Xhekun te “Titaniku”. Leonardo DiCaprio dhe Kate Winslet u panë sërish bashkë 10 vjet pas filmit të famshëm, kur interpretuan edhe në “Revolutionary Road”.
3. Matthew McConaughey dhe Kate Hudson
Kate Hudson dhe Matthew McConaughey kanë interpretuar bashkë në filmat “How to Lose a Guy in 10 Days” (2003) dhe në “Fool’s Gold” (2008).
4. Richard Gere dhe Julia Roberts
Ndoshta çifti më i famshëm i kinemasë. Richard Gere dhe Julia Roberts ishin Edward dhe Vivian në filmin “Pretty Woman” të vitit 1990. Pothuajse një dekadë më vonë, u panë sërish bashkë në filmin “Runaway Bride” (1999).
5. Ryan Gosling dhe Emma Stone
Ryan Gosling dhe Emma Stone bënë audiencën të dashurohej me ta në filmin “Crazy, Stupid, Love” (2011). Interpretuan bashkë edhe në filmin “Gangster Squad” (2013) dhe janë sërish bashkë në filmin e këtij viti “La La Land”.
6. Renee Zellweger dhe Colin Firth
Renee Zellweger dhe Colin Firth njihen edhe si Bridget e Mark të filmit “Bridget Jones’s Diary”. Ky film ishte shumë i suksesshëm dhe për këtë arsye pati edhe dy të tjerë pas tij: “Bridget Jones: The Edge of Reason” (2004) dhe “Bridget Jones’s Baby” (2016).
7. Jennifer Lawrence dhe Bradley Cooper
Jennifer Lawrence dhe Bradley Cooper kanë interpretuar së bashku në 4 filma gjatë këtyre 4 viteve të fundit: “Silver Linings Playbook” (2012), “American Hustle” (2013), “Serena” (2014) dhe “Joy” (2015).
8. John Corbett dhe Nia Vardalos
John Corbett dhe Nia Vardalos u bënë të famshëm me filmin “My Big Fat Greek Wedding” (2002) dhe patën bashkëpunim edhe në vitin 2009 me “I Hate Valentine’s Day”. Filmi i tretë së bashku ishte “My Big Fat Greek Wedding 2” i këtij viti.
