Ok, tashmë ti je familjarizuar me story-t në Snapfood, të njohura ndryshe si SnapStory, ku mund të postosh momente nga e përditshmja jote dhe pse jo pjatat e shijshme që ke porositur në aplikacion. Por a e ke vënë re kush janë njerëzit që i shikojnë SnapStory-t e tua? Me shumë gjasa, pjesa më e madhe janë miqtë e tu në Snapfood, por ti ke vrarë mendjen se si kanë përfunduar në profilin tënd ata emrat e rinj që shfaqen në listën e shikimeve…
Këta emra janë Snapfoodies të tjerë, të cilët mund të shohin postimet e tua sepse SnapStory-t e tua janë publike. Dhe ndonëse kjo është një mënyrë shumë e mirë për të njohur njerëz të rinj e për të krijuar miqësi të reja që mund të lindin nga një mesazh i dërguar në SnapStory, sigurisht që ka zgjidhje dhe për ata që postimet e tyre duan t’i ndajnë vetëm me miqtë. Mjafton të klikosh kategorinë Friends në menunë në pjesën e poshtme të ekranit e më tej tre pikat vertikale në pjesën e sipërme në të djathtë. Aty mund të zgjedhësh që SnapStory-t e tua të jenë publike ose private, që të mund të shihen vetëm nga miqtë e tu në Snapfood.
Por kjo s’do të thotë që s’mund të krijosh njohje të reja. Hap hartën e Snapfood dhe zbulo të gjithë përdoruesit e aplikacionit në një rreze prej 5 km. Ke dikë që dëshiron ta shtosh në listën e miqve? Dërgoji një ftesë miqësie dhe pse jo edhe një ftesë për porosi për të thyer akullin.
Mund të komunikoni në chat vetëm ose në grup, të bëni telefonata me video dhe të komentoni SnapStory-t e njëri-tjetrit duke u argëtuar pafund, të gjitha këto ndërkohë që mund të shijoni ushqim të mirë kurdo dhe kudo ku jeni. Gjërat po bëhen interesante!
