Machine Gun Kelly na ka treguar disa nga anët e tij të errëta. Ai tha se ka tentuar të vetëvritej me armë ndërsa ishte duke folur në telefon me të fejuarën e tij Megan Fox.
Në dokumentarin e tij të ri Hulu, “Life in Pink”, rokeri tregoi një natë të errët në korrik 2020 ndërsa po mbante zi për humbjen e babait të tij, i cili vdiq në njëvjetorin e publikimit të albumit të tij “Hotel Diablo”.
“Nuk dilja nga dhoma ime dhe fillova të stresohesha shumë, vërtet, shumë. Megan shkoi në Bullgari për të xhiruar një film dhe unë fillova të kisha një paranojë vërtet të keqe. Nisa të bëhesha paranojak që dikush do të vinte dhe do të më vriste,” kujton MGK.
Kelly, emri i vërtetë i të cilit është Colson Baker, shtoi se ai flinte gjithmonë me një armë gjahu pranë shtratit të tij dhe se “shpërtheu” atë ditë.
“E telefonova Meganin dhe i thashë: “Ti nuk je këtu për mua”. E futa armën në gojë. Megan ishte si e heshtur, e vdekur.”
Kelly tha ai ishte momenti kur ai kuptoi se “diçka nuk ishte në rregull”, duke shtuar se Fox dhe vajza e tij 12-vjeçare, Casie, i thanë të dyja se nuk donin të “bisedonin më të”.
“Dua të të shoh si babain tim” dhe “Dua të të shoh si burrin tim të ardhshëm” dhe e dija se, më duhej të hiqja dorë nga droga me të vërtetë këtë herë,” tha ai, megjithëse nuk specifikoi nëse ishte nën efektin e drogës gjatë incidentit.
