Caitlyn Jenner ka folur së fundmi për martesën e Kim që ka patur me Kanye West.
Caitlyn tha se Kanye ishte mjaft tip i vështirë për të jetuar me Kim.
Jenner shtoi se edhe sot e konsideron reperin miliarder si një “djalë shumë të komplikuar”.
“Në fakt, unë jam shumë e lumtur që Kim është me Pete tani”, shtoi Jenner teksa nisi të fliste për romancën e dyshes.
“Ne kemi një humorist në familje. Epo, nuk kemi nevojë për më shumë reperë. Ne kemi nevojë për një humorist në familje.”
“Davidson është shumë ndryshe nga c’pritej”, shtoi Jener.
Caitlyn theksoi se Pete e trajton shumë mirë Kim-in dhe kjo e fundit është mjaft e lumtur.
Kim Kardashian filloi të takohej me Davidson në tetor të vitit 2021.
Ndërkohë, marrëdhënia e Kardashian dhe Davidson sa vijon dhe forcohet.
Kim i tha më herët një grupi njerëzish duke përfshirë Ellen DeGeneres, Portia de Rossi dhe Scott Disick se Davidson është “me të vërtetë qenia më e ëmbël dhe më e këndshme në planet”.
Më pas, ajo i tha atyre se detajet do t’ua tregonte jashtë kamerave.
Gjatë një interviste, Kim pranoi se nuk e priste kurrsesi të lidhej me Pete dhe më pas shtoi se gjërat ndodhin atëherë kur nuk i pret.
“Unë mendoj se ndonjëherë gjërat ndodhin atëherë kur nuk i prisni. Ishte gjëja e fundit që po mendoja vërtet”, tha Kardashian në prill për romancën e saj me aktorin.
