Tirana do të presë sot në orën 21:00 finalen e madhe të Conference Leauge e cila do mbahet në stadiumin “AIR Albania”. Përballja do të zhvillohet mes Romës dhe Feyenoord pasuar me dyndje tifozësh në rrugët e kryeqytetit.
Gazetarja e Klan News, Glidona Daci është hasur me një situatë tepër të zakontë teksa po raportonte live. Njëri prej tifozëve të skuadrës së Feynoord është afruar dhe e ka puthur në faqe teksa ajo po raportonte nga zona e Pedonales ku ishin mbledhur tifozët holandezë. Më pas tifozi i ka kërkuar të formojnë një zemër me duar dhe si duket gazetarja e mori me mjaft sportivitet situatën, duke e kaluar të gjithën me një buzëqeshje.
Gjatë mbrëmjes së djeshme gazetarja e nisi raportimin në Opinion, me një koment për puthjen që mori nga tifozi holandez. Por gazetarja nuk ka shpëtuar as nga një puthje live. Gjatë raportimit një tjetër tifoz e puthi në faqe.
“O ja erdhi tjetri live, sikur ta dija, sot paske pas ditë me fat”, komentoi Blendi Fevziu.
“Ishte një nga situatat më të sikletshme që më është dashur të kaloj gjatë raportimeve live…”, komentoi gazetarja për puthjen që i dhanë me herët.
Tifozët Hollandezë ditën e djeshme nuk kanë dhënë vetëm puthje, por kanë kthyer përmbys gjithë kryeqytetin.
E gjitha ka nisur me një incident në qendër të Tiranës ku disa tifozë holandezë dhe italianë kanë rrahur një qytetar shqiptar. Ky I fundit ka përfunduar në spital për shkak të plagëve të shumta.
Në të gjithë kryeqytetin ka patur përplasje të forta mes policisë dhe tofizëve holandezë, raportohen biznese të shkatërruara, efektivë të lënduar, si dhe tifozë të arrestuar.
View this post on Instagram
