Selena Gomez sonte bëri debutimin e saj si prezantuese e “Saturday Night Live”, duke folur në monologun e saj të hapjes për serialin e Hulu “Only Murders in the Building”, ku ajo luan përkrah Steve Martin dhe Martin Short.
Gjatë monologut të saj të parë në Saturday Night Live, Selena Gomez ka folur hapur për të gjitha.
https://youtu.be/6ZbeX54gEhs
Selena e hapi monologun e saj duke vënë në dukje se duke u rritur, ajo e shihte shfaqjen e natës vonë me nënën e saj çdo javë.
“Ky është një moment i madh për mua,” tha ajo.
“Në fakt fillova të aktroj kur isha shtatë vjeç dhe kam pasur fatin të punoj me disa ikona të Hollivudit, si Steve Martin, Martin Short dhe, natyrisht Barney.”
Më pas u shfaq një foto të aktores me dinosaurin vjollcë nga një prej paraqitjeve të saj në shfaqjen për fëmijë “Barney & Friends” në fillim të viteve 2000. “Kjo ishte shfaqja e parë në të cilën mora pjesë dhe tani jam në një shfaqje të quajtur “Only Murders in the Building”,” tha Gomez.
“Isha shumë e nderuar të punoja me Steve Martin dhe Martin Short, veçanërisht pasi i kërkova në google për të gjetur se cilët janë ata.”
“Një arsye pse jam e lumtur që prezantoj SNL është se jam beqare,” tha Gomez ndërsa turma brohoriste.
“Dhe kam dëgjuar se SNL është një vend i mrekullueshëm për të gjetur romancën e duhur”.
“Emma Stone takoi burrin e saj këtu. Scarlett Johansson dhe Colin Jost. Pete – dhe Machine Gun Kelly. Meqenëse nuk dua të provoj aplikacionet e takimeve, thjesht dua ta lajmëroj universin se po manifestoj dashurinë. Do të doja të them se jam duke kërkuar për shpirtin tim binjak, por në këtë pikë që kanë arritur, unë do të isha e lumtur me këdo”, tha Selena.
