Jessica Biel ka treguar se është gati të punojë me bashkëshortin e saj Justin Timberlake në një film apo serial të mundshëm, duke pranuar se kanë folur më parë për këtë dhe tashmë kanë një ide për personazhet që do të donin të luanin.
“Ne shpesh flasim për këtë, flasim shumë. Ne duam të luajmë si kundërshtarë ose në anë të kundërta”, tha aktorja. Biel ka shpjeguar se “askush nuk dëshiron t’i shohë” ata duke luajtur një çift romantik në ekran.
Dhe ndërsa fansat e yjeve të Hollywood-it do të donin t’i shihnin së bashku në një projekt të ri, ata janë ende të rezervuar dhe të zënë. Me Xhesikën që promovon serialin e saj të ri Hulu ‘Candy’ dhe Justin aktualisht në post-produksion në dramën kriminale ‘Reptile’ duke aktruar përkrah Benicio Del Toros.
Aktorja foli edhe për “ngritjet dhe uljet” e martesës me këngëtarin, duke shpjeguar se “ndonjëherë ndjehet sikur 10 vite sapo kanë kaluar sa hap e mbyll sytë” dhe herë tjetër mendon “O zot, 10 vjet. , kjo është një pjesë vërtet e konsiderueshme e jetës së dikujt.”
“Thjesht ndihem shumë krenare për të… Ne kemi pasur ulje-ngritjet tona si të gjithë. Jam vërtet krenare për të dhe jam ende më e lumtura, e dua jetën time”, rrëfeu ajo, pasi lidhi martesën në vitin 2012 nga e cila ka dy djem, Silas dhe Phineas.
