Së fundmi, në rrjet kanë qarkulluar shumë lajme të ndryshme në media rozë që lidhen pikërisht me marrëdhënien midis futbollistit Francesco Totti-t dhe moderators Ilary Blasi. Zërat thanë se martesa e tyre po kalonte një periudhë të keqe dhe dyshja nuk po shkonin më aq mirë me njëri-tjetrin.
Mirëpo, Blasi i rikthehet edhe një herë këtyre dyshimeve për krizën e pretenduar dhe ka folur sërish për të mbrojtur martesën e tyre.
Ndërsa kapiteni historik i Romës ka zgjedhur heshtjen, Blasi ka folur dhe mohoi krizën duke e quajtur kështu një komplot, por nuk dinte se kush e nisi dhe cilat do të ishin përfitimet që mund të kishin për këtë.
“Në ato ditë kur portalet shkruanin për një krizë martesore timen, kisha gjëra të tjera për të menduar. E kuptoj shumë mirë pjesën e të bërit bujë në mediat, por mos harroni, në mes të një familjeje ka edhe fëmijë dhe mes këta fëmijë kanë shokë e shoqe dhe nuk është mirë të vihen në shënjestër.Fatmirësisht, Francesco është mësuar me këto gjëra dhe nuk i bëjnë përshtypje”– theksoi ndër të tjera Blasy, një ndër moderatoret më të famshme në Itali, njëkohësisht bashkëshortja e legjendës së futbollit të Romës, Francesco Totti, me të cilin ka 3 fëmijë.
