Aksi rrugor Fushë Krujë-Milot është përgjakur në mesnatë nga një aksident i rëndë me pasoja tragjike.
Dy makina janë përplasur me njëra-tjetrën, duke shkaktuar vdekjen Alfred Dika, 39 vjeç, Artan Alushi, 30 vjeç, edhe dy pasagjerët 20-vjeçari Shkumbin Brati, dhe Almenia Karaj,16 vjeçe.
Shkumbin Brati, 20-vjeçari me origjinë nga Hasi ishte këngëtar i muzikës popullore dhe djali i këngëtarit të njohur në Has, Përparim Brati. Mbrëmjen e kaluar i riu dhe e fejuara e tij Almeina Karaj vetëm 16-vjeçe kishin qenë në një lokal në Shënkoll të Lezhës ku Brati ishte ftuar për të kënduar.
Gjatë kohës që ishin në lokal 16-vjeçarja ka postuar foto të fejuarit të saj i cili po këndonte.
Pasi kanë mbaruar festën ata kanë qenë duke u kthyer drejt Tiranës kur janë përplasur me një makinë tjetër. Kujtojmë që çifti vetëm dy ditë më parë ishte fejuar, ndërsa ëndrrat që kishin thurur për të ardhmen u shuan në aksidentin tragjik pak pas mesnate
Gjithashtu, është dëmtuar shtetasja R. H., 34 vjeçe, pasagjere në automjetin që drejtonte shtetasi A.A., e cila ndodhet në spital nën kujdesin e mjekëve, jashtë rrezikut për jetën.
Dyshimet paraprake i hedhin fajet tek shpejtësia e madhe e dy mjeteve dhe tentativa e gabuar për një parakalim, duke bërë në fakt mjetet të përplaseshin kokë më kokë. Ndërkohë që grupi hetimor ndodhet në vendngjarje dhe po punon për sqarimin e rrethanave të aksidentit.
