Misterit i ka ardhur fundi dhe bashkë me të janë zbuluar shumë detaje në lidhje me emisionin e ri nën moderimin e Xhemi Shehut dhe Salsano Rrapit.
Emisioni i ri do të quhet “Qesh mire kush qesh i fundit” dhe do të na shoqërojë prej 8 marsit e në vijim.
Ka qenë aktori i njohur, Ermal Mamaqi, i cili me anë të disa postimeve në “Instastory” ka zbuluar si duket studioja, moderatorët dhe aktorët gjatë provave.
Nga pamjet shihet se skena do të jetë një koncept shumë ndryshe pasi duket si një shtëpi ku mesa duket do të zhvillohen skeçet e humorit.
Emisioni do të nisë në 8 mars ora 21:00.
Rikujtojmë se gjatë emisionit “Ëndërrtjerrësit” ata zbuluan se programi do të nisë këtë sezon ndërsa regjisor do të jetë Altin Basha.
Salsano tregoi se projekti ka filluar dhe është një emision humori, por komplet ndryshe nga çfarë kemi pare.
Salsano: Është një projekt i cili ka filluar. Nipërit e mi që jetojnë në Itali më morën në telefon dhe më thanë që ‘daje në Itali po bëhet nami me një emision që ti e ke bërë para 25 vjetësh në shtëpi’. Dhe në fakt, u rikujtova, është një mënyrë e të bërit humor, por është komplet ndryshe. Unë kërkova ndihmën e Altinit i cili pranoi të bashkëpunonte. Gjëja e parë që më shkon në mendje është Xhemi moderator dhe Altinin si regjisor.
