KUJTESA E UJIT
Teatër, 22-25 shtator
“Kujtesa e ujit” nga autorja britanike Shelagh Stephenson në ora 20:00 , me regji nga Rozi Kostani. Skena: Laedia Hajdari. Kostumet: Maldrita Rica. As/regji Benada Mulla. Aktorët interpretues: Rajmonda Bulku, Olta Daku, Violeta Banushi Trebicka, Neritan Liçaj, Jonida Vokshi dhe Marin Orhanasi.
Projekti shpërfaq problematika familjare të cilat zbulohen pas humbjes së mamasë, kjo humbje që i risjell në shtëpi tre motrat duke risjellë njëkohësisht dhe luftën për kujtesat e tyre për të njëjtat ngjarje por secila ndryshe nga tjetra përpiqet për të gjetur kujtimet individuale. Kështu duke humbur në ishujt e kujtesës së tyre e kanë të vështirë të bien dakord me një përvojë unifikuese. Por ajo çfarë ne e kemi të pamundur ti largohemi është ajo çfare thuhet edhe nëpërmjet gojës së mamasë” që disa gjëra qëndrojnë në kockat tona” .
Ndjesi që duhet shkuar tek publiku është ajo e të qëndruarit “Pezull” jo vetëm me anë të skenës të konceptuar e realizuar ashtu por edhe nëpërmjet interpretimit.
Gjigandi i Madh i Mirë
Teatër për fëmijë, 24 shtator ora 10:30
Në skenën e Teatrit Kombëtar Eksperimental “Kujtim Spahivogli”.
Bazuar mbi librin me të njëjtin titull të autorit Roald Dahl
Regjia: Donald Shehu dhe Klaj Zeqaj
Një vajzë 10 vjeçare, Sofi, nis aventurën më të madhe në jetën saj kur takon Gjigandin e Madh të Mirë. Sofia e gjen beten në botën e jashtëzakonshme të Gjigandëve. Natyrysht e frikësuar në fillim, ajo shumë shpejt e kupton se ky Gjigandi i stërmadh është në të vërtetë shumë miqsor dhe tërheqës. Ndërkohë që miqësia e tyre rrite, prezenca e Sofis në botën e gjigandëve tërheq vëmendjen e padëshiruar të gjigandëve të tjerë. Sofia dhe Gjigandi vendosin që të përpiqen ti zhdukin njëherë e përgjithmonë gjigandët e tjerë të këqinj. Një histori fantastike që do të sillet në skënë në formën e një shfaqjeje argëtuese, emocionuese dhe shumë edukuese.
SOFTWARE FREEDOM DAY 2016
24 shtator, ora 16:00 – 18:00
Open Labs Hackerspace, Rruga Pjeter Budi Tirana 1000
SFD është një aktivitet ndërkombëtar rreth programeve kompjuterike të lira dhe me burim të hapur (Open Source Software – FOSS). Qëllimi i aktivitetit është edukimi i publikut në mbarë botën në lidhje me përparësitë e përdorimit të FOSS në fusha si arsimi, qeveritë lokale dhe qendrore, në shtëpi, dhe në biznes – me pak fjalë, kudo!
Gjatë aktivitetit do prezantohen disa nga programet më të njohura kompjuterike dhe në vijim do përpilojmë një plan pune për promovimin e FOSS në vendin tonë gjatë 12 muajve të ardhshëm.
MERI POPINS – DËSHIRA PERFEKTE
Muzikal, 25 shtator
Teatrit Kombëtar Eksperimental “Kujtim Spahivogli”
Teksti: Endri Çela, Bazuar mbi karakterin e autores P.L.Travers
Askush nga ne nuk e di se flladi i mbrëmjes që kalon mes yjesh e lodron me ëndrrat, sheh nga lart edhe dëshirat e fëmijëve. Prandaj ai zbret lehtë dhe i bën ato realitet. Kjo do të ndodh edhe në shtëpinë e dy fëmijëve të shfaqjes sonë; djaloshit të shkujdesur Fami, dhe vajzës tmerrësisht dyshuese Ilja. Vetëm se dëshira e tyre do marrë formën më të përkryer të imagjinatës së fëmijëve, atë të figurës së mirësisë, atë të imazhit të përsosur që mbi ajër rri, Meri Popinsit. Me një çadër fluturuese dhe me një çantë të surprizave magjike të vazhdueshme, ajo do u mësoj fëmijëve qejfin e të punuarit, ngrohtësinë e miqësisë, fuqinë e imagjinatës, se çfarë do të thotë të jesh njeri perfekt, dhe më e rëndësishmja; rëndësia e katër fjalëve magjike “të lutem, si urdhëron, më fal, faleminderit”.
Një shfaqje argëtuese, emocionuese dhe shumë edukuese. Plot me truke magjike, muzikë me tekste origjinale në shqip, dhe emocionuese për të vegjlit e për të rriturit. Sepse thelbi i shoqërisë sonë është dashuria dhe harmonia familjare.
