Ledion Liço ka sqaruar më në fund të gjitha thashethemet që qarkullojnë në lidhje me potencialin e tij në Top Media.
Që prej lidhjes së tij me njërën nga trashëgimtaret, Sarën, portale të shumta kanë shkruar se Ledioni po bën “namin” aty, po pushon njerëz dhe po ndryshon gjithçka. Në një intervistë për “In tv”, Ledioni shprehet se është një njeri shumë me fat që ka njohur në vendin e punës partneren e tij, edhe pse kjo ndikon që ata të flasin shumë pak për punën, për shkak të pozicioneve të ndryshme që kanë:
“Jam njeri shumë me fat, por kjo nuk ishte shumë me fat të them të drejtën, sepse në një sens ne na është dashur të bisedojmë më pak për punën”, shprehet ai. Sa i përket mënyrës se si e gjykojnë të tjetër kur u lidh me Sarën, Ledioni thotë:
“Sara është pjesë e establishment-it që ka televizionin, vendin ku unë punoj. Në një kuptim ka kthyer edhe pak negativitet karshi meje sepse njerëzit më shohin si më të fuqishëm, më të pasur. Vjet për shembull thanë që Ledioni do të merrte çdo lloj programi te ‘Top’-i, do të ishte nga e hëna në të diel, ndërkohë që unë dola në transmetim nga janari i këtij viti. Jo se s’kam pasur programe të mira para se të lidhesha me Sarën. Ka një lloj ndjesie që njerëzve ju ndodh kur ti në sytë e tyre ke autoritet më shumë dhe kjo i bën ata që të të shohin ndryshe. Te mua nuk ka ndryshuar asgjë”.
Mejgithatë Ledioni thotë se, më shumë se sa partnerja e tij Sara, nuk e njeh askush.
