2016-ta përfundimisht është viti i koncerteve! Pas Dua Lipës, Bebe Rexhës, nesër jemi në pritje të një koncerti të rëndësishëm, ndërsa artisti italian Al Bano Carrisi do të performojë në Tiranë, te sheshi “Nënë Tereza”, një tjetër koncert do të mbahet në Prishtinë.
Këngëtarja britanike Joscelyn Eve Stoker, e njohur me emrin e artit Joss Stone, do të ndalojë në Kosovë, vendi i përzgjedhur për të performuar gjatë turneut të saj në Evropë.
Joss Stone do të mbajë koncertin e saj për herë të parë në Kosovë, në një nga klubet e natës së kryeqytetit. Kështu që mund të zgjidhni të ndiqni nga afër këngëtaren e njohur 29-vjeçare, duke pronotuar biletën që kushton vetëm 10 euro.
Stone njihet për performancat e fuqishme, ndër të tjera “Son of a Preacher Man” ose “Natural Woman”, ndërsa këngët e saj më të njohura janë “You had me” apo “Tell Me ‘Bout It”.
Burimi: Instagram
