Zelanda e Re nisi festimet për Vitin e Ri, duke organizuar një spektakël dritash të jashtëzakonshëm në Okland.
Edhe Australia festoi, me qeverinë që ka liruar masat kundër koronavirusit për këtë ditë, pavarësisht se autoritetet shëndetësore raportuan 32 000 raste të reja me Covid-19.
Vendi i parë që mirëpriti vitin 2022 ishte Kiribati, ishull në Oqeanin Paqësor, 15 orë përpara Shqipërisë.
Ndërkohë që vendi i fundit që do të hyjë në vitin e ri do të jetë Ishulli Baker, në jug të Havait.
Viti i Ri në Shqipëri festohet nga të gjithë pavarësisht besimeve fetare, festat janë të preferuara nuk konsiderohet ditë e zakonshme.
Një e veçantë gjatë festës është trokitja e gotave duke marrë dolli për të gjithë anëtarët e familjes dhe të afërmit, tavolina mbushet plotë me ushqime dhe pije. Pas ushqimeve një e veçantë është kënga dhe fishekzjarrët.
Ne shqiptarët kemi disa tradita që dallojmë nga të gjithë vendet si pastrimi i shtëpisë dhe gjithë ambientit të jashtëm. Nënat nikoqire shqiptare fillojnë përgatitjen e festës së Vitit të Ri disa ditë para datës 3, duke larë të gjitha rrobat, tapetat, lyerjen e shtëpisë, pastrimin dhe gatimet tradicionale.
Traditë e veçantë është se kur bëhej fjalë për mish kjo bën diferencën, preferojnë jo vetëm mishin e gjelit të detit por edhe mish viçi, qengji, dhie dhe derri. Për të mos harruar rostot klasike dhe biftekun.
Kur vjen puna te pijet merren të gjitha duke filluar nga ato alkoolike deri te pijet me gaz dhe pa gaz deri te energjiket. Rëndësi ka që tavolina të mbushet në çdo cep.
