Influencuesja skoceze e udhëtimeve, Rachel Kerr, është zhdukur në Marok.
31-vjeçarja nga Alloa, Clackmannanshire, po qëndronte në qytetin bregdetar të Adagir kur familja e saj humbi kontaktin me të më 25 prill.
Influencuesja, e cila ka mbi 9,000 ndjekës në Instagram, kishte qëndruar në Caribbean Village, një hotel me tre yje me shërbim gjithëpërfshirës. Sipas autoriteteve, ajo doli nga spitali të shtunën dhe telefoni i saj nuk është ndezur që atëherë.
Familja e saj ka lëshuar gjithashtu një apel urgjent në mediat sociale. Kushërira e saj postoi në Facebook, duke u kërkuar njerëzve: “U bëj thirrje kujtdo që mund të ketë pasur kontakt me Rachel Kerr në ditët e fundit dhe çdo kontakti të saj në Marok. Ju lutemi të kontaktoni nëse keni ndonjë informacion. Familja e saj është jashtëzakonisht e shqetësuar për mirëqenien e saj.”
Zyra e Jashtme, e Komonuelthit dhe Zhvillimit (FCDO) konfirmoi se po ndihmon familjen e gruas britanike.
Pjesa më e madhe e përmbajtjes së saj lidhej me ditarët e udhëtimit. Ajo e kishte dokumentuar udhëtimin e saj në Marok në mediat sociale. Ajo e ndau postimin e saj të fundit më 13 prill me mbishkrimin “lar marinaaaa”.
Ajo po udhëtonte për punë në një destinacion të njohur turistik që ndodhet në bregdetin jugor të Atlantikut të Marokut. Nuk ka pasur asnjë lajm për të që kur doli nga hoteli katër ditë më parë.
