Mbrëmjen e sotme në shtëpinë e “Big Brother Albania VIP” kanë nisur një sërë debatesh dhe diskutimesh midis banorëve me njeri-tjetrin, si rrjedhojë e eleminimeve zinxhirë të së premtes së kaluar.
Një nga protagonistet kryesore ka qenë Monika, e cila u kritikua shumë për zgjedhjen e saj. Ajo vendosi të shpëtojë Beatrix, ndërkohë që miku i saj, Ilir ishte ende i pazgjedhur nga asnjë banor.
Polemikat zgjatën gjatë gjithë javës dhe ballafaqimi kryesor u bë mbrëmjen e sotme.
Konkurrentë dhe ish-konkurrentë i janë kundërvënë Monikës duke e akuzuar se ka ndryshuar lojën dhe po bën strategji. Një nga akuzat më të forta ishte dhe ajo e Sabjanit, i cili e ka konsideruar atë “tradhtare”.
“Monikë atë këngën tradhtare e merr ti tani! Më tradhtove vëllain, nuk doja në asnjë moment të tradhtoje Ilirin. Ilir të dua vëlla! Monika po unë të lash amanet moj, po pse moj Monikë pse! Ato psh-psh-et që na bëre te veshët sa herë kemi rrezikuar dhe kemi dal keq nga ti te publiku! Po të vjen fundi dhe strategjia jote është të shkosh deri në fund. Ilir të dua vëlla!”- ka thënë ai.
Ndërkohë, Monika i ka përjetuar akuzat dhe ka replikuar duke thënë:
“Jemi njerëz dhe në fund të ditës mbetemi njerëz. Nuk kam ndërmend t’i rikthehemi asaj gjëje. E kam falur incidentin me Donaldin… Nëse ka ndonjë njeri që më ka ofenduar rëndë këtu ka qenë Donaldi, por unë e fala dhe do të eci përpara.
Të jeni të sigurt që nuk po bëj lojë. Do ta shikoni Monikën kur të dal prej këtu, do ta ruaj miqësinë me të gjithë.”
