Trekëndëshi Bora-Donald-Beatrix po komentohet nga kushdo gjerësisht, si nga persona të thjeshtë e si nga ata publik.
Dominojnë komentet emocionale, por nuk mungojnë as kunjat, e këto të fundit marrin vëmendje sidomos kur bëhet fjala për persona të përfshirë.
Vin Veli ish- i dashuri i Bora Zemanit dhe babai i djalit të saj, Arborit, e ka ironizuar situatën e trekëndëshit.
Ai postoi ditën e djeshme gjatë spektaklit një foto pranë partneres së tij aktuale, duke vendosur dhe një emoji ‘kokoshkash’.
Partnerja Sarah gjithashtu e ka ripostuar foton që hodhi Vini, e cila më pas u fshi prej tij, pasi filloi dhe mori zë nëpër portale.
Kujtojmë se Donald Veshaj dhe Beatrix Ramosaj e kanë shfaqur hapur pëlqimin ndaj njëri-tjetrit dhe janë më të afërt se kurrë, pavarësisht se aktori ka lënë diçka pezull me Bora Zemanin jashtë shtëpisë së Big Brother Vip. Pak kohë më parë Bora hyri në Big Brother për të takuar shoqen e saj të ngushtë, Semi Jaupaj, por përfundoi duke takuar edhe Donaldin. Ky i fundit kishte shprehur vazhdimisht dashurinë për të dhe ia doli t’i rrëmbente edhe një puthje publikisht.
Pikërisht te postimi ku Bora paralajmëronte hyrjen e saj në shtëpinë më të famshme në Shqipëri, ishte Beatrix Ramosaj ajo që komentonte për dashurinë midis saj dhe Donaldit.
“Më kujtuat sa bukur është të dashurosh, me zemër në dorë dje, i çmenda komshit duke bërtit”, shkruante Beatrix e madje shprehte edhe dashuri për Borën.
View this post on Instagram
Mirëpo ky koment nuk është më. Vetë Bora ose personat që menaxhojnë Instagramin e Beatrix e kanë fshirë komentin, në të cilin këngëtarja po merrte mjaft reagime negative.
