Botërori i Formula 1 kthehet këtë fundjavë me Çmimin e Madh të Kanadasë në pistën Gilles Villeneuve. Ashtiu siç ndodh zakonish pilotët e këtij kampionati dolën në konferencën e zakonshme për shtyp ku Lewis Hamilton foli për këtë garë ku ai ka përjetuar shumë momente madhështore.
‘E adhuroj të vij këtu, do të jetë edhe nëna ime për të shijuar atmosferën që këtu është unike-tha Hamilton-është pista më e mirë në botë, kam përjetuar momente madhështore. Shpresoj në një fundjavë më të mirë, kemi mësuar shumë nga gara e fundit. Skuadra ka punuar shumë dhe unë e falenderoj, mund te merret akoma shumë nga makina, por Mercedes mbetet para dhe do të bëjë përditësime të rëndësishme. Pres të jemi në nivelin e McLaren dhe Red Bull që janë përmirësuar, ndërsa Mercedes do të bëjë një tjetër hap për t’iu shkëputur konkurrencës. Objektivi ynë do të jetë përqendrimi te vetja jonë dhe optimizimi i asaj që kemi, të dielën do të mësojmë se në çfarë pike jemi’
Lewis Hamilton foli edhe për të ardhmen e tij dhe zërat për një tërheqje të tij nga garat, të cilat britaniku i përgënjeshtroi në mënyrë kategorike.
Lewis Hamilton është i apasionuar pas futbollit dhe një tifoz i Arsenalit që sapo u shpall kampion i Premier League pas 22 vitesh
‘Isha 5 vjeç dhe luaja në skuadrën e vendlindjes sime, isha i vetmi djalosh me ngjyrë në atë zonë dhe përpiqesha të përshtatesha-tregon Hamilton-çdo kush kishte një fanelë të ndryshme, kaloja nga një skuadër te tjetra dhe motra ume më pyeste se për cilën skuadër bëja tifo duke më thënë se duhet të mbështesja Arsenalin. Kur fitoi titullin, kemi qeshur duke kujtuar atë episod; i jemi afruar kaq herë fitores së Premier League, ishte një emocion i pabesueshëm dhe një krenari e madhe. Arsenali ishte madhështor dhe mori një drejtim fantastik në vitet e fundit, jam krenar për atë që bënë dhe për skuadtën që mund të rritet akoma. Ferrari si Arsenali? Përpiqem gjithnjë të mësoj si të jem një pilot dhe shok skuadre më i mirë, si të mund të nxjerr më shumë nga vetja dhe kolegët e mi’./TCH
