Kim Kardashian ka dalë në mbështetje të Travis Scott, duke thënë se reperi ‘kujdeset aq shumë për fansat e tij’, pasi tetë persona u vranë në një përplasje në Festivalin e tij Astroëorld.
“Absolutisht zemërthyer për jetët që humbën dhe këdo që u lëndua në Astroworld. Ashtu si të gjithë ju, edhe familja jonë është e tronditur nga tragjedia”, shkroi Kim në Twitter.
“Ne po i mbajmë të gjitha viktimat, familjet dhe të dashurit e prekur në lutjet tona për shërim – si dhe Travis, i cili e dimë se kujdeset aq shumë për fansat e tij dhe është me të vërtetë i shkatërruar”, vazhdoi Kim.
Scott, 30 vjeç, i cili ka një vajzë me motrën e Kim, Kylie Jenner, 24 vjeçe, është paditur së bashku me Drake për ‘nxitje kaosi’ në ngjarjen në Hjuston ku u vranë një djalë 14-vjeçar dhe një vajzë 16-vjeçare mes tetë viktimave.
Familjarët e zemëruar të viktimave po kërkojnë që Scott të shpallet përgjegjës për tragjedinë pasi ai vazhdoi të performojë deri në 30 minuta ndërsa njerëzit u vranë dhe fansat brohorisnin “ndalo shfaqjen”.
Reperi, i cili tha se ishte ‘i shkatërruar’ për vdekjet dhe nuk mund të ‘imagjinonte diçka të tillë’, është dënuar dy herë për inkurajimin e fansave që të kapërcejnë barrierat e sigurisë dhe të shkojnë në skenë në koncertet e mëparshme.
Drake e quajti atë një ‘tragjedi shkatërruese’ në një postim në Instagram mbrëmë duke thënë: ‘Zemra ime është thyer për familjet dhe miqtë e atyre që humbën jetën dhe për këdo që po vuan.
“Unë do të vazhdoj të lutem për të gjithë ata dhe do të jem në shërbim në çdo mënyrë që mundem. Zoti qoftë me ju të gjithë”, shkroi Drake.
Ai performoi së bashku me Scott gjatë koncertit ku u plagosën qindra njerëz kur turma u afrua pranë skenës.
Shfaqja u ndërpre 30 minuta përpara orarit, por gjysmë ore pasi një ‘ngjarje me viktima masive’ ishte shpallur tashmë nga zjarrfikësit.
