Pasi u panë bashkë duke darkuar në fund të muajit shtator Angelina Jolie dhe këngëtari The Weeknd ngirtën dyshimet se mund të jenë më shumë se miq. Asnjëri prej tyre nuk ka folur rreth çështjes, megjithëse një burim i tha ekskluzivisht “E! News” se midis tyre NUK po ndodh asgjë romantike.
“Ata nuk janë duke bërë date bashkë.Ata kanë interesa të ndërsjella dhe po kënaqen duke i bashkuar idetë e tyre për të parë se çfarë mund të sjellin.”
Burimi shton, “Ata kanë folur kohët e fundit për partneritet në disa projekte humanitare së bashku. Atij i pëlqen të flasë për filma dhe art.”
Ama së fundmi, Jolie na ka bërë të dyshojmë duke iu shmangur pyetjes në lidhje me marrëdhënien e saj me The Weeknd gjatë promovimit të filmit të fundit ku ka luajtur, “Eternals”.
Teksa ishte e ftuar në “Daily Pop” me kolegen e saj Salma Hayek, prezantuesi Justin Sylvester e pyeti Jolie nëse fëmijët e saj janë më të emocionuar për filmin e ri apo për miqësinë e saj me këngëtarin The Weeknd.
“Ata janë shumë të emocionuar për këtë film, nëse kjo është ajo që po kërkoni”,- tha Jolie duke qeshur.
Ata janë shumë të emocionuar për këtë film”, përsëriti ajo.
