Një ndër ndarjet e bujshme të karantinës mund të quajmë atë të Megan Fox me Brian Austin, të cilët pas 10 vitesh së bashku, çifti i dhanë fund martesës së tyre.
Tanimë, 1 vit pas kërkesës për divorc nga ana e Fox, dyshja janë zyrtarisht të ndarë.
“TMZ” raporton se aktorja dhe Green do të duhet të ndajnë gjithçka që kanë fituar gjatë martesës së tyre.
Ish çifti do të ndajnë kujdestarinë e përbashkët ligjore dhe fizike të tre fëmijëve të tyre.
Pas kërkesës për divorc, Megan u pa gjithnjë e më shumë në shoqërinë e Machine Gun Kelly, me të cilin sot po përjetojnë një lidhje mjaft të bukur dashurie.
Më herët, aktorja e njohur ka thënë se tek Gun Kelly ka parë reflektimin e shpirtit të saj.
“Kjo është ajo që zemra ime po kërkonte. Unë shoh aq shumë nga vetja tek ai, dhe anasjelltas, dhe atë pjesë të mbyllur që e kisha lënë mënjanë. Gjithmonë ndihesha sikur të mungonte ajo gjë, nga e cila kisha hequr dorë, nga e cila ju gjithmonë po e kërkoni. Oh, kjo është ajo që zemra ime po kërkonte”, u shpreh Megan Fox.
Këngëtari Machine Gun Kelly dhe aktorja Megan Fox u takuan për herë të parë në sheshxhirimet e një filmi në Porto Riko. Takimi i tyre ishte dashuri me shikim të parë dhe që prej atij momenti, ata nuk u ndanë më nga njëri-tjetri.
