Ana Ivanoviç, tenistja serbe është “sulmuar” nga bashkëatdhetarët e saj.
Shkak për kritikat e shumta u bë një video që ajo publikoi në rrjete sociale, ku në sfond dëgjohej kënga “Levitating” e Dua Lipës.
Në këtë postim vihen re komentet e shumta të ndjekësve që i kujtonin asaj faktin se Dua mbështet Shqipërinë e Madhe.
“Pse Dua Lipa, ajo është një zgjedhje e keqe”; “Pse Dua Lipa, një person që i urren serbët dhe propagandon Shqipërinë e Madhe?”; “Pse Ana, për hir të Zotit?! Ti e shite shpirtin tënd”, janë disa nga komentet me të cilat është përballur ajo.
Kjo nuk është hera e parë që serbët “sulmojnë” Duan.
Kujtomë se një “billboard” i Duas në një prej dyqanet e Serbisë nxiti mjaft reagime.
Që në fillim të artikullit, gazeta serbe “Novosti”, ngre pikëpyetje se “si e gjeti veten ky yll botëror, që nuk fsheh idetë e saj nacionaliste, në xhamat e dyqanit për veshje sportive”.
Në shkrimin e kësaj media thuhet se një qytetar ka dërguar një letër në redaksinë e tyre, ku shkruan:
“Si mundet që dikush që përhap gënjeshtra në mënyrë aktive për historinë tonë dhe shqiptarët të shfaqet në reklama në qendrat tregtare vendase. Në këtë mënyrë, populli serb tallet dhe nënçmohet”.
Edhe pse nuk pritej, “Puma” mori menjëherë një vendim. Sapo ky lajm është publikuar, imazhi i Duas është hequr nga dyqanet e tyre dhe është zëvendësuar me një tjetër.
