Artisti i famshëm, The Weeknd duket se po ndjek hapat humanitarë të aktores, Angelina Jolie.
Së fundmi ai i është bashkuar Programit Botëror të Ushqimit të Kombeve të Bashkuara, si Ambasador i Vullnetit të Mirë.
“Programi Botëror i Ushqimit i OKB-së, është duke bërë punë urgjente dhe të rëndësishme për të ndryshuar dhe ruajtur jetët në baza ditore dhe unë ndjehem i pasionuar për të adresuar urinë botërore dhe të ndihmojë njerëzit në nevojë”, u shpreh ai në një ceremoni special që është mbajtur në Los Angeles.
The Weeknd është i njohur për veprat e tij humanitare dhe së fundmi ka dhënë një donacion me vlerë 1 milion dollarësh për Programin e OKB-së për ndihmë në luftimin e urisë në botë.
Ky veprim i artistit vjen pas atij të Angelina-s, e cila para shumë vitesh u bë Ambasadore e Vullnetit të Mirë dhe këtë titull po vazhdon ta mbajë sërish.
Kujtojmë se më herët, Angelina Jolie dhe The Weeknd i futën fansat në shumë dyshime, pasi ata u panë duke kaluar një kohë së bashku në Santa Monica, Calif.
Por duket se këto janë thjesht thashetheme pasi një burim ka thënë ekskluzivisht për “E! News” se midis tyre nuk po ndodh asgjë romantike.
“Ata nuk janë duke bërë date bashkë.Ata kanë interesa të ndërsjella dhe po kënaqen duke i bashkuar idetë e tyre për të parë se çfarë mund të sjellin.”
Burimi shton, “Ata kanë folur kohët e fundit për partneritet në disa projekte humanitare së bashku. Atij i pëlqen të flasë për filma dhe art.”
