Florian Binajn i është bashkuar protestës kundra rritjes së çmimeve, por para se të shkonte te kjo protestë, aktori i famshëm i humorit ka shfaqur revoltë në Instagram.
“Unë do jem sot në protestën kundra rritjes së çmimeve me qytetarë dhe qytetare, që duan t’i bashkohen kësaj proteste.
Asnjë pjesëtar i opozitës nuk është i ftuar dhe të mos bëjë gaf të vijë e të prishë këtë protestë, sepse nëse jemi në këtë pikë jemi dhe prej tyre!
Kjo është protestë qytatare jo politike apo partiake.
As patronazhistët nuk lejohen.”
Në protestë Florjani, nuk kishte shkuar duarbosh. Ai shkoi me një pankart ironike:
Florian Binaj tha përpara protestuesve se nuk eshte e drejtë që populli vuan gjithmonë për veprimet e qeverisë, duke falenderuar të gjithë të pranishmit për pjesmarrjen.
Kujtojmë se në Shqipëri ditët e fundit është rritur çmimi i shumë produkteve bazë përfshirë bukën, si edhe rrijta e fundit ishte rritja e çmimit të karburantit.
Rritja e çmimit të bukës ditë më parë në vendin tonë, si pasojë e rritjes së çmimit të miellit, solli shqetësim dhe reagime të ashpra nga qytetarët dhe jo vetëm.
Mirëpo, kjo shkelje nuk i ka bërë aspak përshtypje Autoritetit të Konkurrencës! Teksa të gjithë po prisnim ‘dënimin’, AK ka vendosur sot me 3 vota pro 2 kundër, TË MOS I GJOBISË ndërmarrjet që merren me shitjen dhe tregtimin e miellit.
Edhe pse kjo është një çështje mjaft problematike që rëndon në xhepat e qytetarëve shqiptarë, kjo gjë duket se nuk e shqetëson fare Autoritetin Kombëtar të Konkurrencës.
Kjo nuk është hera e parë që AK bën kaq hapur shkelje të tilla!
