Një ndër personazhet imagjinarë më të famshëm në historinë e kinemasë është padyshim James Bond.
Filma të shumtë dhe disa aktorë të ndryshëm me mjaft famë kanë përjetësuar legjendën 007 ndër vite, përfshirë Sean Connery, Roger Moore, Pierce Brosnan. Daniel Craig është ylli i fundit që ka interpretuar Bond-in për vite më radhë.
E mesa duket ka ardhur që aktori të nderohet yllin e tij në “Walk of Fame” në Hollywood. Aktori është “James Bond-i” i katërt që merr yllin e tij dhe në fakt, do të jetë pranë atij të Roger Moore. Aktori i parë që luajti agjentin 007, Sean Connery – megjithëse ishte shumë i suksesshëm në rolin e tij – nuk arriti të merrte yllin e tij.
“Daniel Craig është një ikonë kulturore britanike, siç është James Bond, njeriu që ai ka portretizuar në pesë filma 007. Ne jemi të ngazëllyer të vendosim yllin e tij në Walk of Fame pranë yllit të një aktori tjetër të famshëm, i cili gjithashtu portretizoi James Bond, Roger Moore”, thuhet në njoftim.
Më herët aktori i ka habitur të gjithë ndjekësit kur ka zbuluar se kur iu ofrua ky rol, fillimisht nuk donte që ta interpretonte këtë karakter.
Kur prodhuesit i ofruan këtë rol, Daniel nguroi të shfrytëzonte mundësinë që padyshim, vjen një herë në jetë.
Aktori i famshëm ishte mjaft i shqetësuar për pasojat që ky vendim mund të sillte për familjen e tij. Sipas John Maybury, kjo ishte një zgjedhje mjaft e vëshitrë pasi në atë kohë e bija e tij ishte vetëm 12 vjeçe.
“Kishte implikime si në jetën personale ashtu edhe në fushën e tij profesionale. Nuk mendoj se dikush mund të përgatitet për realitetin e famës derisa ta përjetojë atë. Por ajo që i thamë ishte: “Ka jetë pas Bondit”.
