Debati publik mes Noizy-t dhe Ledion Liços u bë tema e mbrëmjes në ceremoninë e “Top Awards”, duke tërhequr vëmendjen nga rëndësia e eventit. Pas reagimeve që pasuan njëra-tjetrën, reperi shqiptar nuk e ka pasur problem që të shprehet për këtë në emisionin “Zonë e Lirë”.
“Probleme momenti, ai u nxitua, unë u nxitova”, tha Noizy.
Pasi sqaroi se statusi në “Instagram” ishte bërë në një moment nervozizmi, Noizy nuk mohoi që mungesa në eventin e muzikës ishte e qëllimshme, për më tepër nuk mohoi që fjalët që kishte shkruar në status ishin të pavërteta.
“Nuk mund ta quash “Top Awards” kur e di kush fiton. Nuk kam nevojë të më vlerësojnë 5 veta kur më vlerësojnë 5 shtete. S’kam gjë me pronarët e televizionit madje i kam miq. Por falje nuk kërkoj, se s’kisha faj”, përfundoi deklaratën reperi.
E gjitha nisi kur Ledioni mbajti një fjalim hapës duke bërë shaka e ironi me të ftuarit, e ndaloi një moment për të folur për Noizy-n, duke thënë: “Noizy do të duhej të ishte këtu. Por ai erdhi në prova me makinën e tij ‘Ferrari’…Kështu është kur shet mend me Ferrari-n e shokut”.
Pas këtij sulmi, Noizy vendosi që të fliste hapur mendimin e tij, pa doreza: “Mbreti i xhunglës ecën vetë! F**k your Awards Ledion Liço! Shko bjeri b***ës por bjeri haptas! Mos mbaj të dashur sa për mos të dalë nami. Kollovar që jeton me lekët e të dashurës. Ty s’ta bleu mami, as babi, ta bleu e dashura”.
