Dashi
Për pjesën më të madhe të atyre që janë në çift gjërat do të shkojnë më së miri. Disa të tjerë mund të debatojnë për disa gjëra të lëna pezull prej kohësh. Kujdes! Disa shpenzime të nevojshme dhe të papritura do ua tronditin pak planin financiar. Tregohuni shumë të kujdesshëm dhe të matur.
Demi
Gjatë kësaj dite do të kaloni momente të mrekullueshme me atë që keni në krah dhe do të përjetoni emocione pa fund. Shfrytëzojeni sa të mundni ditën dhe mos harroni t’i shprehni sa të mundni ndjenjat dhe emocionet. Në sektorin financiar nuk duhet të merrni vendime të nxituara që do iu sillnin probleme.
Binjakët
Jeta juaj në çift edhe pse do të dominohet nga rutina, do të jetë në ekuilibër. Nuk do të keni debate apo probleme. Ka mundësi që ata që kanë pasur mosmarrëveshje të afrohen pranë atij që duan. Mërkuri do të influencojë financat. Menaxhojeni me shumë kujdes buxhetin që të mos keni surpriza.
Gaforrja
Atmosfera në çift do të jetë elektrizuese ditë të fundit të muajit. Nuk këshillohet të merrni vendime sepse do të bënit gabime të pandreqshme. Në aspektin profesional do të keni takime të cilat pas pak kohësh do të ndryshojnë shumë gjëra jo vetëm në aspektin e profesionit, por edhe në jetën tuaj.
Luani
Jeta juaj në çift pritet të jetë më e mirë sesa ju mendonit. Do të kaloni disa orë të mrekullueshme dhe harmonia do të mbretërojë. Mos vini barriera, por tregohuni sa më të hapur për çdo problem që mund të keni, zgjidhja e tyre bëhet më e lehtë kur jeni dy vetë.
Virgjëresha
Do ta keni të vështirë këtë të shtunë të analizoni me objektivizëm marrëdhëniet me kolegët e punës. Do iu mungojë kthjelltësia, por do të keni një takim vendimtar i cili do të mund të ndryshojë përgjithmonë jetën tuaj. Edhe financat nuk do të jenë të këqija. Ka shumë gjasa që ato të përmirësohen dhe ju të bëni disa shpenzime të menduara prej kohësh.
Peshorja
Ditë e qetë e shtuna 31 korrik, shfrytëzojeni për të reflektuar për të ardhmen. Ata që kanë pasur probleme duhet të mundohen t’i zgjidhin. Për financat do të jetë një ditë jo ndryshe nga të tjerat. Mos shpenzoni shumë, por hiqni ndonjë lek mënjanë.
Akrepi
Në sajë të mbështetjes që do të keni nga të gjithë miqtë tuaj do ta kaloni të gjithë zymtësinë e ketyre ditëve. U bë kohë që jeni mbyllur në vetvete dhe mendoni veç për punën. Për një çast harroni gjithçka dhe argëtohuni. Mos harroni se jetën në këtë botë e jetojmë vetëm një herë.
Shigjetari
Do të tregoheni më të hapur dhe të disponueshem ndaj gjithçkaje këtë të shtunë. Do të jeni më të motivuar dhe do të mendoni më shumë për të ardhmen. Ky pozitivitet do t’ju bëjë që të bini në sy për mirë jo vetëm nga miqtë tuaj, por edhe nga shefat. Bëni pak më shumë durim dhe do të dilni të fituar.
Bricjapi
Për disa prej atyre që janë në një lidhje dita do të jetë e vështirë dhe me probleme. Mos e humbni ne asnjë moment komunikimin me partnerin/en. Kujdes me lëvizjet e mëdha financiare. Situata nuk është shumë e qëndrueshme që ju të merrni vendime të tilla.
Ujori
Lumturia do të mbizotërojë në jetën e çifteve. Vazhdoni të tregoheni tolerantë dhe të bëni disa lëshime të vogla dhe do e shihni që ambienti do të ngrohet më tepër. Për sa iu përket financave do të keni fat. Gjithsesi kjo nuk do të thotë që iu të hidheni menjëherë në detin e shpenzimeve.
Peshqit
Mjedisi yjor do të sjellë një rizgjim të pasionit gjatë kësaj dite. Do të ndiheni mjaft mirë dhe do i shprehni më tepër ato që keni në zemër. Në aspektin profesional do të keni një takim interesant i cili mund të ndikojë në vijimësinë e jetës. Dielli do iu ndihmojë të merrni një vendim të rëndësishëm.
/noa.al
