Pronarët e lokaleve në Lungomaren e qytetit të Vlorës u ngritën në protestë ditën e djeshme për shkak të orarit të kufizuar të muzikës. Gjatë mbrëmjes së djeshme të gjithë lokalet në Vlore vendosën në të njëjtën kohë Himnin e Flamurit si një formë proteste për kufizimin. Pronarët e lokaleve janë shprehur se mungesa e muzikës ndikon ndjeshëm në biznesin e tyre, sepse turistët nuk dëshirojnë të qëndrojnë në një vend pa muzikë.
Për këtë arsye ditën e sotme është vendosur që orari i muzikës të shtyhet me një orë. Këtë lajm e ka bërë të ditur vetë kryeministri Edi Rama përmes një postimi në Twitter.
Ai shprehet se kush dëshiron që të këndojë e kërcejë pas orës 23:00 mund të organizohet në natyrë, në vende ku nuk shqetësohet askush.
Postimi i kryeministrit
Protestë në Lungomare për muzikën?
1.Lungomare s’ka muzikë po ndotje akustike të tmerrshme ku përzihen dhjetra linja burime menjëherë
2.E drejta e atyre që duan zhurmë muzikore tërë natën nuk fiton dot mbi tē drejtën e atyre që natën duan zhurmën e detit
3.Siç është lajmëruar, nga data 20 korrik muzika do të ndalet në 23.00 në çdo zonë turistike të banuar dhe kush do të kërcejë e të këndojë tërë natën po të dojë, le të organizohet në natyrë, në pika ku nuk shqetëson njeri – si në tërë botën e civilizuar turistike.
