Këngëtarja Altuna Sejdiu, e njohur nga të gjithë si Tuna, është vënë në qendër të vëmendjes me disa foto dhe video të publikuara, për të paralajmëruar klipin e saj të ri që do të dalë së shpejti.
Me xhirimet e klipit të fundit, Tuna ka shkaktuar reagime për stilin e saj. Videoja e shkëputur nga xhirimet e shfaq këngëtaren, me një lëkurë dhelpre të hedhur në krah.
Ky fakt i ka irrituar mbrojtësit e të drejtave të kafshëve, të cilët kanë kërkuar nga këngëtarja të mësojë se, kafshët duhen trajtuar me dinjitet dhe jo mizori.
Si kundër replikë, ishin fansat e shumtë të këngëtares që e kanë mbrojtur atë, ndërsa Tuna nuk e ka komentuar ende rastin.
