Gazetarja dhe sipërmarrësja e njohur shqiptare, Silva së fundmi ka festuar ditëlindjen e saj dhe ajo që mori vëmendjen e të gjithëve ishte festa e organizuar. Kjo e fundit shkaktoi një bujë mjaft të madhe pasi pjesë e saj ishin në të njëjtën tavolinë bashkëshorti i saj holandez dhe ish-bashëshorti i gazetares.
Kjo gjë i ka befasur të gjithë pasi ndodh rrallë në shoqërinë shqiptare. Së fundmi, Silva përmes një lidhje “Skype” nga jugu ka sqaruar në “Ftesë në 5” se çfarë ndodhi në këtë festë.
E pyetur nga Bieta, gazetarja pranoi se kjo nuk është një situatë shumë familjare për mentalitetin shqiptar, por mjafton që e bën të lumtur dhe ish-bashkëshortin e konsideron si një mik të sajin që i ka qëndruar pranë gjithmonë.
“Dashuria është shumë e gjerë dhe nuk ka të bëjë që ti thjesht je në një lidhje dhe dashuria përkon vetëm me këtë fakt. Ti mund të kesh mbyllur një martesë dhe ti mund ta duash prapë ishin tënd, sepse dashuria mbetet përgjithmonë. Xhorxhin unë e dua si një mik, që më ka qendruar gjithnjë pranë dhe nuk kisha si të mos e ftoja”, tregoi ajo.
Silva më tej shtoi se Xhorxhi dhe Dick, partneri i saj hollandez kanë një marrëdhënie shumë të mirë. Ndër të tjera, ajo u tha se ish-bashkëshorti dhe partneri i saj hollandez kanë një marrëdhënie mjaft të mirë, madje kanë shijuar ndeshjet e Kampionatit Europian në shoqërinë e njëri-tjetrit.
