Për të parë pasi piloti 32-vjeçar, Babis Anagnostopoulos, pranoi vrasjen e bashkëshortes së tij, Caroline Crouch ka folur edhe i ati i tij. Babai i pilotit është shprehur për mediat greke se ai ka humbur tashmë dy fëmijë dhe do të kujdeset që gjithë vëmendjen ta kalojë tek mbesa e tij, që ka mbetur thuajse jetime.
“Vajzën e kemi ne. E vetmja gjë që duam tani është që të kujdesemi për fatin e kësaj fëmijë dhe të fokusohemi sa më shumë të jetë e mundur tek ajo. Si baba, unë kam humbur dy fëmijë. Do përpiqem për fëmijën që nuk ka faj për asgjë”, është shprehur babai i pilotit.
Familja e Babis kërkoi kujdestarinë e fëmijës ditën e sotme. Ata kanë kërkuar që të kujdesen për vajzën në mënyrë të përbashkët. Kurse, nëna e Caroline nuk ndodhet në gjendje të mirë psikologjike që pasi mori vesh se dhëndri ishte autori i ngjarjes. Raportohet se ajo ndodhet e izoluar në shtëpinë e saj në Alonissos bashkë me të shoqin që nuk mund të lëvizë.
Foshnja Lydia këtë qershor do të festojë 1-vjetrin e lindjes, por ende nuk dihet se çfarë do të ndodhë me fatin e saj. Ajo humbi të ëmën pas aktit makabër të të atit. Nga ana tjetër Babis Anagnostopoulos e pret një dënim i ashpër nga drejtësia greke për shkak se i janë ngritur disa akuza, më e rënda prej tyre vrasje me paramendim.
Vetëm pak ditë më parë, ai pranoi hapur se i mori jetën bashkëshortes së tij. Pas një dëshmie martaonë, ai u detyrua të pranonte krimin e rëndë para policisë.
Kujtojmë se nga të dhënat e fundit, ka një moskoherencë mes dëshmisë së pilotit dhe ekspertizës ligjore. Sipas kësaj të fundit, rezulton që e reja ka qenë në gjumë kur është mbytur nga i shoqi. Këtë e dëshmon ora inteligjente që ajo mbante në duar, e që tregonte se disa orë para vdekjes, pulsi i saj ishte i njëjtë me atë të një personi që fle. Kujtojmë se në dëshminë e tij, bashkëshorti i saj ka thënë se e ka vrarë Carolinën në debat e sipër dhe e ka përqafuar për minuta të tëra, derisa ajo nuk lëvizte më.
