Aktorja Nurgul Yesilçay, shumë e njohur nga roli i “Gylserenit” në serialin “Fate të kryqëzuara” po shijon prej kohësh një histori dashurie me producentin Necati Kocabay.
Ata janë kudo bashkë dhe si rrallëherë, aktorja s’e kurseu aspak për fansat e saj një foto në momente intime me partnerin.
Yesilçay publikoi një foto duke shkëmbyer një puthje në buzë, e cila po bën xhiron e rrjetit.
Aktorja 45-vjeçare ka treguar se ishte lodhur nga lidhjet e komplikuara derisa njohu Necatin. “Kur mbusha 40 vjeç, i thashë vetes se nuk dua më lidhje koti. Më pas takova Necatin. Ma prezantoi një mik. Ajo që më pëlqeu ishte se ai ishte i sjellshëm”, ka treguar aktorja.
“Gylseren” dhe partneri i saj do të bëhen nuse dhe dhëndër në verën e këtij viti, sipas planeve që kanë treguar.
Çifti kishte vendosur të martohej verën e kaluar, por për shkak të pandemisë së koronavirusit nuk arritën të organizonin një dasmë.
Nurgul Yesilçay dhe Necati Kobay po e shijojnë marrëdhënien e tyre prej më shumë se dy vitesh, teksa dashurinë e tyre nuk e kanë fshehur asnjëherë nga publiku.
Kujtojmë që aktorja së fundmi kishte rol kryesor në serialin “Gylperi”, që pati shumë sukses në Klan Plus.
