Ngjarja e rëndë e dhunimit seksual të 15-vjeçares në Lezhë nga pesë persona ka tronditur të gjithë vendin.
Qytetarë të thjeshtë dhe personazhe të njohur të ekranit apo rrjeteve sociale kanë shpërndarë masivisht ditën e djeshme fotot e personave që bënë aktin e shëmtuar.
Fjoralba Ponari, Graciano Tagani, Argjira Spanca, Noizy, Kejvina Kthella, Arjola Demiri, Bora Zemani e shumë e shumë të tjerë kanë ndarë në rrjetet e tyre sociale fotot e autorëve.
“Mos pafshi hajër me sy”, “Doni djeg”, kanë qenë këto disa nga përshkrimet që personazhet e njohur kanë shoqëruar fotot e autorëve.
Kujtojmë se ngjarja e rëndë u bë publike pak ditë më parë në media. Një grup prej pesë personash kanë dhunuar seksualisht në bashkëpunim me njëri-tjetrin një vajzë të mitur. Dyshohet se ata e kanë detyruar të miturën me anë të shantazheve që të kryejë marrdhënie seksuale me ta.
Mësohet se vajza 15-vjeçare ka dalë fillimisht 17-vjeçarin me iniciale A.Gj.
Ai e ka detyruar që të kryejnë marrëdhënie seksuale dhe më pas shokët e tij i kanë bërë shantazh duke i thënë që e kanë filmuar.
Ngjarja ka ndodhur javët e fundit, por vetëm dje, e mitura vendosi që ta denoncojë rastin. Për ngjarjen e rëndë, policia ka vënë në pranga pesë persona. Ata janë Artan Kaçorri, 31 vjeç, Albert Molla, 27 vjeç, Ermal Tarazhi 30 vjeç, Nike Lleshi 44 vjeç dhe një 17-vjeçar me iniciale A.Gj.
Specialistët për Hetimin e Krimit në Komisariatin e Policisë Mirditë i kanë arrestuar shtetasit e sipërpërmendur në flagrancë. Ata akuzohen për veprën penale “Marrëdhënie seksuale ose homoseksuale me dhunë me të mitur të moshës 14-18 vjeç”.
Gjithashtu organet kopetente po punojnë për zbardhjen e plotë të ngjarjes.
Njoftimi i plotë i Policisë së Lezhës:
Specialistët për Hetimin e Krimit në Komisariatin e Policisë Mirditë kanë arrestuar në flagrancë, për veprën penale “Marrëdhënie seksuale ose homoseksuale me dhunë me të mitur të moshës 14-18 vjeç” kryer në bashkëpunim, shtetasit A. K., 31 vjeç, A. M., 27 vjeç, E. T., 30 vjeç, N. Ll., 44 vjeç dhe A. Gj., 17 vjeç, pasi dyshohen se me anë të shantazheve, në bashkëpunim me njëri-tjetrin, kanë kryer marrëdhënie seksuale me dhunë me një shtetase 15-vjeçare.
