Para disa ditësh në mediat rozë qarkulloi një fotografi e ish-konkurrentit të “Për’puthen”, Eri Aga, i cili shfaqej në momente intime me një vajzë bjonde. Ata të dy shfaqeshin duke shkëmbyer puthje me njëri-tjetrin dhe më pas u mësua se vajza në fjalë ishte Ina Muriqi, konkurrente tek emisioni i dashurisë në Kosovë, “It’s my Love”. Kështu të gjithë menduan se ata të dy kishin nisur një lidhje me njëri-tjetrin dhe se Eri kishte gjetur më në fund dashurinë jashtë emisionit.
Mirëpo e vërteta duket se është ndryshe.
Së fundmi, Ina ka shpjeguar në emisionin “It’s my love” se fotografia është shkrepur shumë kohë më parë. Ajo e ka pranuar se janë ata në foto dhe ka treguar se fotoja është bërë para se ajo të futej në emision dhe se të dy nuk kanë më punë me njëri-tjetrin. Përgjigjen e Inës e ka publikuar Eri në profilin e tij dhe përkrah ka shkruar:
“Për të gjithë ju që më pyesni me mesazh ja ku është përgjigja”.
Kujtojmë se Eri u përjashtua nga “Për’puthen” pas një sherri që pati me një prej ish-konkurentëve, Dorin. Gjithçka nisi pas një thumbi që ky i fundit hodhi gjatë prezantimit të tij dhe Eri nuk e priti mirë. Më pas i ftuar në intervista, Eri u shpreh se e gjithë situata kishte qenë e inskenuar për ta përjashtuar atë sa më parë nga spektakli.
