Bebe Rexha prej thuajse një viti po jeton një histori të bukur dashurie me producentin, Keyan Safyari. Ndonëse lidhja e tyre është bërë publike prej kohësh, Bebe nuk preferon të ndajë shpesh në rrjete sociale momente me partnerin e saj. Ka pasur vetëm disa foto paparaci të tyre që janë publikuar në media, sepse këngëtarja ka preferuar që marrëdhënien ta mbajë larg syrit të publikut.
Mirëpo së fundmi ajo nuk është rezervuar dhe ka ndarë një video në një moment shumë privat me të dashurin. Bebe ka postuar në Instagram një video, në të cilën shihet duke shkëmbyer një puthje në buzë me partnerin si dy zogj të dashuruar.
Në një intervistë të dhënë pak kohë më parë, Bebe ka treguar se Keyan është shumë i dashur dhe mbi të gjithë mirëkuptues.
“Ai është shumë i ëmbël dhe më mbështet, ai është thjesht i mrekullueshëm. Ai është në industrinë e argëtimit, por është në anën tjetër të saj, kështu që ai e kupton. Ai është atje në çdo moment për mua. Por nuk dua që fansat e mi të dinë shumë për këtë gjë, sepse unë jam nga ata persona që nuk dua të njihem për lidhjet e mia, por për artin tim. Por mendoj se kam gjetur vërtetë dikë që është shumë special dhe më bën të lumtur. Kështu që ndihem shumë me fat. Dhe ai është me fat- ai është më me fat“, ka thënë këngëtarja.
Ndërsa kur është pyetur se çfarë e bën lidhjen të funksionojë, Bebe është përgjigjur: “Të kuptuarit dhe komunikimi janë shumë, shumë të rëndësishme. Dhe unë jam shumë transparente. Kështu që mendoj se ajo ç’ka është e rëndësishme për një lidhje është transparenca dhe komunikimi. Kjo është diçka e rëndësishme për jetën dhe marrëdhëniet“.
