Pas aludimeve të shumta dhe përpjekjeve të tyre fillestare për t’i mohuar këto lajme, Jennifer Lopez dhe Alex Rodriguez kanë konfirmuar ndarjen.
Nëpërmjet një deklarate për “Today”, ata bënë të ditur se s’do të jenë më bashkë, por do të vazhdojnë të mbeten miq të mirë të njëri-tjetrit, sepse funksionojnë më mirë kështu.
“Kemi kuptuar që shkojmë më mirë si miq dhe të tillë do të mbetemi. Do të vazhdojmë të punojmë bashkë dhe të mbështesim njëri-tjetrin në punët, bizneset dhe projektet tona. I urojmë më të mirën njëri-tjetrit dhe fëmijëve të secilit.Në shenjë respekti, komenti i vetëm që kemi për ju është faleminderit të gjithëve atyre që na kanë mbështetur me fjalët dhe mirësinë e tyre.”- është shprehur dyshja.
Por, cila mund të jetë arsyeja e ndarjes? Sipas mikut të Jennifer, ajo mori vendimin kur erdhi puna për t’i dhënë fund marrëdhënies të cilën ata zyrtarisht e njoftuan më 15 prill.
‘Ajo insistoi të ndaheshin. Ka shumë çështje që janë të pazgjidhura,’ tha burimi..
Edhe pse Alex, 45 vjeç, fluturoi për në Republikën Dominikane – ku ajo është duke filmuar komedinë Shotgun Wedding – për t’u përpjekur të riparojë krisjen e marrëdhënies së tyre, ai s’mundi ta rifitonte besimin e J.Lo.
‘Ajo nuk ka qenë mirë dhe nuk mendoi se nuk ishte në interesin e saj më të mirë të qëndronte me Alex’, ka thënë një mike e ngushtë e këngëtares.
Pra, mungesa e besimit ka shkatërruar marrëdhënien e tyre.
