Kur aktorja Gemma Arterton u shfaq në Festivalin e Filmit të Venecias këtë javë, të gjithë i kishin sytë tek këmbët e 30-vjeçares në dukje pa mbarim.
Por kyçet e përkryer, format e hijshme dhe kofshët e holla nuk vijnë krejtësisht për shkak të gjeneve të mira dhe stërvitjes në palestër. Në fakt ish-femra e James Bond kishte veshur një palë sandale marramendëse në ngjyrë ari, të cilat e bënin të dukej më e gjatë.
Gemma nuk është e vetmja nga të famshmet që vesh këto sandale “magjike”. Victoria Beckham, Cheryl Fernandez-Versini, këngëtarja Katherine Jenkins dhe Catherine Zeta-Jones kanë veshur sandale të ngjashme dhe me të njëjtin efekt mahnitës. Por çfarë i bën këto sandale kaq popullore në tapetin e kuq?
Sekreti qëndron në të dy shiritat e hollë – një të ulët në kyçin e këmbës e një te gishtërinjtë. Ata janë aq të hollë saqë, nga një distancë, janë pothuajse të padukshme, dhe krijojnë iluzionin e këmbëvetsë zhveshura, duke bërë që ato të duken gati 12 cm më të gjata.
