Këngëtarja e famshme lë në baltë motrën prostitutë të prekur nga HIV-i (FOTO)

Motra e Mariah Carey-t, e cila është drejt vdekjes, mësohet se i ofroi një polici të infiltruar favore seksuale, të premten e kaluar. 55-vjeçarja Alison A Carey po operonte si prostitutë në një hotel në Saugerties të Nju-Jorkut, kur u arrestua.  Sipas policisë gruaja e “shiste” veten online duke përdorur tekstet e muzikës së motrës së saj të famshme.

Marrëdhënia e keqe mes dy motrave njihet prej kohësh, ndërsa dihet që ato nuk i flasin njëra-tjetrës që nga viti 1994. Pak kohë më parë Alison Carey i kërkoi të motrës që mos ta braktisë, pasi ndodhej në një situatë shumë të vështirë.

Pas arrestimit 55-vjeçajra u lirua me kusht, ndërsa mësohet se ajo u diagnostikua pozitive ndaj virusit HIV. E gjithë kjo ngjarje nuk ka sjell ende një reagim nga këngëtarja! Kjo situatë solli acarimin e vëllait të saj Morgan, i cili deklaroi se këngëtarja e famshme ishte gjithmonë egoiste dhe nuk i bëhet vonë për askënd përveç vetes.

Ai i bëri apel që ta ndihmonte motrën e tyre, e cila po jeton mjerueshëm fundin e jetës. Më parë Alison tregoi se në periudhën para se Mariah të bëhej e famshme, ajo punonte si prostitutë për të nxjerrë jetesën e familjes. Ndërkohë që sot 47-vjeçarja vlen 510 milionë dollarë e ka braktisur plotësisht motrën e saj.

Kjo e fundit shkruan në një faqe në internet, se është “një grua e aftë që të bëjë tokën të lëvizë për ty dhe të shikosh yjet”, fjalë të cilat janë shkëputur nga kënga e Carey-t, “Fantasy”, publikuar në 1995-n. Ndërkohë që policia këshillon ata që kanë kryer marrëdhënie seksuale me 55-vjeçaren që të vizitohen te një doktor, sa më shpejt që të jetë e mundur.

Burimi: Daily Mail