Swift theu rekordin e mbajtur në Britani nga Beatles për 54 vjet me publikimin e albumit të ri “Fearless”.
Sipas Official Charts, Taylor Swift tani ka albumin e tretë numër 1 në top listat dhe në më pak se një vit dhe theu një rekord të ri në vend.
Brenda 259 ditësh, tre prej albumeve të saj arritën numrin 1 në top listat britanike dhe botërore. Rekordi u shënua nga albumet “Folklore”, i cili u lançua më 31 korrik dhe “Evermore”, i cili u publikua më 18 dhjetor.
Kujtojmë se grupi muzikor, Beatles deri më tani kanë mbajtur rekordin e top listave në 364 ditë me publikimin e albumeve “Help!”, “Rubber Soul” dhe “Revolver”.
Taylor Swift ka publikuar së fundmi këngën “Mr. Perfectly Fine”, që flet për ndarje dhe është shkruar në vitin 2008. Në kohën kur është shkruar kënga, Taylor ka qenë në një lidhje me Joe Jonas, ndaj të gjithë e përkthyen si një dedikim për ish-in. Mirëpo do thoni ju si e priti bashkëshortja e Joe, Sophie Turner, këtë fakt?
Sophie ka treguar se e pëlqen shumë këngën dhe siç duket asaj nuk i inetereson fare historia për të cilën flet kënga. Ajo ka ndarë këngën e Taylor në Instagram dhe ka treguar se është fiksuar pas saj. Postimin e saj e ndau edhe Taylor në Instagram, e cila shkroi: “Përgjithmonë e ulur në gjunjë para Mbretëreshës së Veriut”, duke ju referuar një pseudonimi për rolin e saj në “Game of Thrones”, Sansa Stark.
