Të qenit një nënë më ka ndihmuar që të shqetësohem më pak. Kështu është shprehur këngëtarja Britney Spears në një intervistë për revistën “Marie Claire”, për të cilën rrëfen për lidhjen e saj me fëmijët dhe famën.
“Duke u bërë një nënë e dy djemve [Jayden, 9 vjeç dhe Sean Preston, 10 vjeç] më ka ndihmuar të pranoj veten time. Unë jam nëna e tyre, çdo gjë. Kjo ka qenë një gjë me të vërtetë e madhe për mua gjatë këtyre viteve të fundit”.
Duke folur për “Marie Claire”, Britney tha se është ndjerë shumë e rehatshme me lëkurën e saj këto ditë. “Unë u zhvendosa në Los Angeles kur isha shumë e re. Kam qenë nën ankth. Në qoftë se një fije floku nuk do ta kisha në vendin e vet, do të shqetësohesha shumë. Unë shqetësohesha në lidhje me kaq shumë gjëra”.
Për Britney, të qenit një yll ndërkombëtar nuk të bën imune ndaj lidhjeve të këqija.
“Unë kam qenë beqare për shumë kohë dhe më pas fillova të dilja me një djalë që më pëlqente. Shqetësohesha dhe kisha frikë se ai nuk do të donte mua. Një mbrëmje u peshova dhe kisha humbur gjashtë kilogramë. Ne shkuam në kinema, por unë mund të them se nuk po funksiononte. Ishte shumë e vështirë. Pas filmit shkova në shtëpi dhe kaq ishte. Ai thjesht nuk ishte për mua. E pëlqeja atë. Ai e dinte këtë. Por përfundimisht nuk ndiente të njëjtën gjë. Kjo ndodh për të gjithë. Të jesh e famshme nuk të bën ndryshe”, shprehet Britney.
Burimi: Marie Claire
